मराठवाडा होणार दुष्काळ मुक्त

*औरंगाबादमधून मराठवाडा वॉटर ग्रीडच्या कामाचा  मा. मुख्यमंत्री देवेंद्र फडणवीस यांच्या हस्ते लवकरच शुभारंभ* 
   .......: मा. ना बबनराव लोणीकर

*वॉटर ग्रीडचे पाणीपुरवठा मंत्री बबनराव लोणीकर यांच्या उपस्थितीत सादरीकरण*

दुष्काळग्रस्त मराठवाड्यातील ११ मोठ्या प्रकल्पाचे पाणी एकत्रित करून सर्व जिल्ह्यांना देण्यासाठी वॉटर ग्रीड प्रकल्प राबवण्यात येणार...

या प्रकल्पासाठी मंत्रिमंडळाने १० हजार ५९५ कोटींचा निधी पहिल्या टप्प्यात मंजूर...

मराठवाड्यातील दुष्काळी परिस्थिती लक्षात घेता वॉटरग्रीड प्रकल्पाचे महत्त्व मोठे  : लोणीकर

औरंगाबाद: मराठवाड्यातील जनतेचा पाणीप्रश्न कायमचा मार्गी लावण्यासाठी उभारण्यात येणाऱ्या मराठवाडा वॉटर ग्रीडच्या कामाचा शुभारंभ लवकर मा. मुख्यमंत्री देवेंद्र फडणवीस यांच्या हस्ते   औरंगाबादमधून करणार असल्याचे पाणी पुरवठा व स्वच्छ्ता मंत्री. श्री बबनराव लोणीकर यानी सांगितले.

मराठवाडा विभागातील दुष्काळी उपाययोजना, पाणीटंचाई आणि मराठवाड्याचा कायमचा पाणीप्रश्न मार्गी लावण्यासाठी मराठवाडा वॉटर संदर्भात औरंगाबाद जिल्हाधिकारी कार्यालयामध्ये आज सकाळी 11 वा विभागीय आढावा बैठक आयोजित करण्यात आली होती. बैठकीनतर श्री. बबनराव लोणीकर यांनी माध्यम प्रतिनिधीशी बोलताना सांगितले.

 यावेळी बैठकीला विधनसभा अध्यक्ष मा ना हरिभाऊ बागडे, आ. सुधाकर भालेराव,आ. लक्ष्मण पवार, आ. सुरेश धस, आ. भाऊसाहेब चिकटगावकर, मा आ. सुधाकर भालेराव,  विभागीय आयुक्त सुनील केंद्रेकर, मराठवाड्यातील सर्व जिल्ह्यांचे जिल्हाधिकारी, जिल्हा परिषद मुख्य कार्यकारी अधिकारी तसेच संबंधित अधिकाऱ्यांच्याची उपस्थिती होती.

या बैठकीमध्ये जनावरांच्या चारा छावण्या, शेळ्या-मेंढ्यांच्या चारा छावण्या, पाण्याचे टँकर, पाणीपुरवठा योजना, दुष्काळी अनुदान वाटप इतर उपाय योजनांचा आढावा घेण्यात आला. मराठवाड्यात आज घडीला 753 चारा छावण्या सुरु करण्यात आल्या आहेत. त्यामध्ये 5 लाख 24 हजार 804 जनावरांच्या चारा- पाण्याची व्यवस्था करण्यात आलेली आहे.17 हजार 33 कोटी रु दुष्काळी निधीचे वाटप करण्यात आले आहे. विभागत सुरु असलेल्या पाणी पुरवठा योजना, पाण्याचे टैंकर, दुष्काळी अनुदान वाटपचा आढावा घेण्यात आला.
मराठवाडा वॉटर ग्रीडच्या संदर्भात काही  सूचना देण्याच्या असतील तर त्यासाठी 15 दिवस देण्यात येतील, असे लोणीकर यांनी सांगितले.

 मराठवाड्यातील दुष्काळी परिस्थिती आणि पाणीटंचाई संदर्भात सुरू असलेल्या उपाययोजनांचा आढावा घेताना मराठवाडा वॉटर ग्रीडसाठी विभागीय आयुक्त आणि जिल्हाधिकारी यांनी पुढाकार घेऊन काम ग्रीडचे काम तातडीने सुरु करण्याच्या सूचना बैठकीत अधिकाऱ्यांना श्री. लोणीकर यांनी दिल्या.

 मराठवाड्यातील जनतेचा पाणीप्रश्न कायमचा मार्गी लावण्यासाठी उभारण्यात येणाऱ्या मराठवाडा वॉटर ग्रीडच्या कामाचे सादरीकरण ग्रीड यासंदर्भात मेकोरेट कंपनी पावर पॉइंट प्रेझेंटेशन सादर केले. मराठवाडा वॉटर ग्रीडच्या कामाला मंत्रिमंडळाने मंजुरी दिली असून त्यासाठी जवळपास 10 हजार 595 कोटी रुपये खर्च येणार आहे.

मेकरोट कंपनीने पिण्याचे पाणी व औद्योगिक वापरासाठी ग्रीड पद्धतीची योजना करण्याचा अहवाल सादर केला आहे. कंपनीने पिण्याचे पाणी व औद्योगिक साठी लागणारे पाणी अशी ग्रीड निर्माण करण्याचा पर्याय सुचवला आहे. 30 वर्षासाठी म्हणजे 2050 वर्षासाठी पर्यन्त पाणीपुरवठा करण्यासाठी प्रस्तावित आहे. 2050 मध्ये 960 दशलक्ष घनमीटर एकूण पाण्याची आवश्यकता लागणार आहे. यामध्ये नागरी, ग्रामीण व जनावरांच्या पिण्याच्या पाण्याचा समावेश करण्यात आला आहे. मराठवाड्यात ग्रीड द्वारे अशुद्ध पाण्याचा पुरवठा करण्यासाठी 1330 किलोमीटर लांबीच्या मुख्य पाईपलाईनवर मराठवाड्यातील सर्व 11 धरण जोडन्यात येणार आहेत. त्यानंतर प्रत्येक तालुक्यात दोन ते तीन ठिकाणापर्यंत पाणी पोहोचविण्यासाठी एकूण 3220 किलोमीटर पाईपलाईन टाकणे प्रस्तावित आहे. या पाईपलाईन पासून कोणत्याही गावाचे अंतर वीस ते पंचवीस किलोमीटर राहील,व त्यामधून सर्व गावांना गरजेच्यावेळी पाणीपुरवठा करता येणार आहे. तालुकास्तरावर पाणी पोहोचविण्यासाठी दुय्यम जलवाहिनीसाठी अंदाजे  4074 कोटी एवढा खर्च अपेक्षित आहे. सदर खर्च अंदाजीत असून यामध्ये 20 टक्के आकस्मिक खर्च व भाववाढ  1585 कोटी गृहीत धरल्यास एकूण खर्च 9015 कोटी एवढा अपेक्षित आहे यंत्रसामुग्री यासाठी अंदाजे 1080 कोटी रुपयांचा अतिरिक्त खर्च अपेक्षित आहे, पाणीपुरवठा व स्वछता मंत्री बबनराव लोणीकर यांनी बैठकीनतर माध्यम प्रतिनिधीशी बोलताना सांगितले.